السلام عليكم ورحمة الله وبركاته
أعرف أن أصعب شيء على الزوجة هو أن تطلب فلوس من زوجها ههههههههه يعني
فلوس إضافيه بعد ما خلص مصروفها عشان كذاجبت كم حركه تاخذين منها المبلغ
اللي تبينه و زوجك فرحااااااااان
أكيد الحين تقولون شلووووون ؟؟ الحين بقول لكم ..
بس ابتعدوا شوي صار زحمه شوي أحس بحرارة ههههههههههه
1-قومي بطبخ طبق رئيسي يحبه زوجك و طبق سلطة و اذا ما تعبتي بعد شوربة ،
ولا تنسين تغسلين المواعين و القدور عشان المطبخ يصير نظيف و تفتكين
ههههههه ، المهم و بعدين حطي على طاوله صغيرة عندج شرشف حلوو او أي قطعه
قماش ساتان و حطي مزهريه صغيرة و فيها وردة طبيعيه أو صناعية ، و شغلي
موسيقى كلاسيك وبس، و الحين جاء دورك البسي قميص ابيض ساده ضييق و تنوره
سوداء ساده و ضيييقه و اذا حبيتي شريطه أو ثوب أحمر ولا تنسين جوراب بيج و
حذاء كعب و ارفعي شعرك عشان تمثلين دور النادله بالضبط اللي تقدم الطعام
بالمطعم .....
و اكتبي على الباب مطعم الدلع او الحب او اسمكـ او مطعم الرومانسيه أي شيء
و اذا جاء زوجك لا تركضين له مثل ما تسوين له كل يوم لالالالا استقبليه
بابتسامه و قولي له (( تفضل سيدي )) هو راح يستغرب بس بيمشي معاكـ و لما
يقرب من الكرسي انتي بعدي الكرسي عن الطاوله عشان يصير مجال يجلس و بعدين
قولي له (( الليله اطباقنا هي وقولي
اللي أنتى طبختيه )) شنو تحب أطلب لك ؟؟ طبعا هو من الزهقه بيقول كل شيء ،
و جيبي له السلطة بالبدايه و بعدين الشوربه و بعدين الطبق الرئيسي و طول
ماهو ياكل لا تجلسين لالالا ظلي واقفه "لازم التعب لأن الفلوس بتنسيك كل
شي " و بعد ما يخلص شيلي الصحون و جيبي له فاتورة نقديه و قيمتها المبلغ
اللي تبينه ههههههههه و هو بيستحي او بيظن انك تلعبين معاه و بيعطيك
الفلوس....... بس بعدين لا ترجعينهم له ههههههههههههه
2- الطريقة الثانية بسيطة جدا و هي انكـ تكتبين له رساله حلوووة فيها صور
حلووة و كلمات رومانسيه و تعبرين عن احتياجك للفلوس و ترسلينها على ايميله
.
3- و تقدرين بعد ترسلين له مسج انكـ محتاجه الفلوس بس مستحيه تقولين له
هههه و ضيفي على المسج شويه من توابل الحب ، و على فكرة يفضل ترسلين له
المسج و هو موجود بالبيت و انتى بعد بس مثلا انت بالمطبخ و هو بالغرفه ، و
بجي لكـ و على وجهه ابتسامه و في يده الفلووووس .
الموضوع منقووووووووووووول &بت بت&
الجمعة مايو 02, 2008 2:18 pm
